Correo electrónico: marta.comesana@edu.xunta.gal

Marta Comesaña Abreu

Titulada na especialidade de frauta traveseira polo Conservatorio Superior de Música de
Vigo da man do mestre Manuel Morales, obtén a cualificación de Sobresaínte no seu
concerto fin de carreira. No ano 2017, cursa o Máster de Interpretación Musical na
especialidade de Orquestra – Frauta no Conservatorio Superior de Música de Castilla y
León co mestre Pablo Sagredo.
Complementa a súa formación asistindo a cursos con diferentes frautistas internacionais,
entre os que destacan André Cebrián, Salvador Martínez, Júlia Gállego, Davide
Formisano, Thies Roorda, Ginevra Petrucci, Albert Mora ou Jürguen Franz e Paco Varoch
(frautín).
Colabora con diferentes agrupacións, entre elas a Orquestra Clásica de Vigo, a Orquestra
Sinfónica de Castilla y León e a Banda de Música de Pontevedra, baixo a dirección de
directores coma Maximino Zumalave, Yan Pascal Tortelier, Lionel Bringuier, Jean-Paul
Dessy, Alexander Polyanichko, Lucas Macías, Eliahu Inbal e Alessandro Arnoldo.
Acadando varios premios en concursos autonómicos e internacionais, participa como
solista coa Orquestra Vigo 430 e coa Orquestra Sinfónica do CSM de Vigo.
No ano 2021 publicou o artigo “Estudio comparativo de la requinta de A Ulla y la flauta
francesa del s.XIX: contextualización y características organológicas” na RECOS
(Revista del Conservatorio Superior de Música de Castilla y León, nº12).
Impartiu aulas en diferentes escolas de música e conservatorios coma o Conservatorio
Superior de Música de Vigo, o Conservatorio e Escola de Música Municipal de Ribadavia
e o Conservatorio Profesional de Música de Santiago de Compostela, entre outros.
Actualmente é catedrática interina de frauta no Conservatorio Superior de Música de A
Coruña.